Museo |
Museo de las Peregrinaciones y de Santiago
|
Inventario |
235
|
Clasificación Genérica |
Escultura; Obxectos devocionais; Artes plásticas
|
Objeto/Documento |
Escultura
|
Autor/a |
Anónimo [Escola galega]
|
Título |
Santiago peregrino
|
Materia/Soporte |
Madeira
|
Técnica |
Talla Policromado
|
Dimensiones |
Alto máx = 53 cm; Profundidade = 20 cm; Ancho máx = 16 cm
|
Descripción |
Escultura representando ao apóstolo Santiago o Maior con atributos de peregrino. Sobre unha peaña en vermello simulando mármore e con plataforma octogonal aparece estante a figura do Apóstolo vestido con roupa talar que se axusta á cintura en color gris lixo cun rodo en dourado, a xogo co cinto e cos puños da mesma prenda, sobre ela unha esclavina en negro cos rebordes en dourado e lucindo senllas vieiras sobre bordonciños cruzados tamén en ouro. Colgado do cinto porta, a xeito de escarcela, unha caixa de tapa de configuración paralelepipédica. Os pés aparecen calzados con botas de cor negra, a xogo tamén coa cor do sombreiro de aba ancha que se ribetea en dourado e luce outra vieira sobre bordonciños cruzados igualmente en dourado O cabelo e a barba partida con bigote diferenciado teñen un tratamento naturalista aínda que dentro de esquemas simétricos que contribúen a proporcionar á faciana unha expresión de serenidade. A man dereita en alto terma dun longo bordón con remate abalaustrado do que colga unha cabaza, todo iso tamén en dourado, mentres que coa man esquerda terma do libro que suxeita, pechado, contra o corpo. É da salientar o contraste entre as cores planas e monocromas da vestimenta e demais complementos e o tratamento das carnacións realizados con mellor técnica e detalle.
|
Iconografia |
Santiago Peregrino; Vieira; Bordón; Bordóns cruzados; Cabaza
|
Datación |
1801=1900
|
Contexto Cultural/Estilo |
Idade Contemporánea
|
Lugar de Producción/Ceca |
Galicia (España, Europa do Sur)
|
Uso/función |
Devocional.
|
Clasificación Razonada |
Este tipo iconográfico conta cunha gran aceptación en Galicia e difúndese fóra das súas fronteiras. Recollendo experiencias anteriores, parece formalizarse na escultura en granito que realizaría Pedro del Campo en 1694 para a Porta Santa da basílica compostelá e que serviría de prototipo a moitos escultores e simples artesáns da cidade e tamén de fóra dela. É moi posible que esta talla en concreto pertenza a unha fase final de vida deste tipo que ten producido tanto pezas de boa calidade melloradas cunha boa policromía, como outras de raigame moi popular.
|
Catalogación |
Pesquera Vaquero, Mª Isabel; Pérez Outeiriño, Bieito
|