| Museo |
Museo Etnológico de Ribadavia
|
| Inventario |
4028
|
| Clasificación Genérica |
01.Pesca fluvial; 03.Cestería
|
| Objeto/Documento |
cesto
|
| Tipología/Estado |
cesto das troitas
|
| Materia/Soporte |
madeira [Madeira [Vimbio]. Sistema de peche metálico e correa de fibra téxtil.]
|
| Técnica |
produción artesanal
|
| Dimensiones |
Longo = 14 cm; Alto = 16,50 cm; Ancho = 28 cm
|
| Descripción |
Contedor lixeiramente curvo, pechado por tapadeira articulable interrompida por unha cavidade cuadrangular. Na parte superior da cara interna, presenta dous ocos espazados, polos que se pasa unha correa téxtil.
|
| Uso/función |
Acoller as capturas que se van producindo ó longo da xornada de pesca e o bote co cebo empregado. Cínguese ao pescozo por medio da correa, adaptándose o perfil cóncavo á cintura ou costas do portador. Os exemplares de menor talla métense directamente pola abertura superior, sen necesidade de abrir o cesto. Para conservar as troitas frescas deposítase no interior materia vexetal húmida, sendo moi frecuente recorrer ós brizos. Complemento indispensable do troiteiro, podía substituírse polo «gancho» ou «galla», que é unha póla de arbusto bifurcada cunha das ramas de menor tamaño. As troitas vanse inserindo na rama de maior tamaño a través da boca e as galadas, actuando a outra rama de tope. Deste xeito quedan prendidas do gancho, facilitando o seu transporte.
Os contedores de madeira deron paso ós de plástico. No entanto, este elemento goza dunha considerable saúde, manténdose na actualidade.
|
| Lugar de Procedencia |
Chave de Carballo
|
| Catalogación |
Castro Carballal, Victor Manuel
|
