Descripción |
Máquina de coser de man, sobre soporte de madeira. É do tipo «puntada de pespunte». Non conserva a pintura orixinal.
Consta dunha plataforma de ferro que se encaixa na base por medio dunhas bisagras, sobre a que vai unha peza en forma de «L» que apoia na plataforma polo brazo máis curto que é tamén o máis ancho, quedando o máis longo e estreito paralelo á base. Nesta articúlanse diferentes mecanismos que imprimen ás agullas de coser un movemento ascendente-descendente, e un movemento de vaivén en sentido horizontal, a unha lanzadeira oculta baixo a plataforma para entrelazar o fío que provén de dous carretes situados na parte superior do brazo longo e outro baixo a tea, na canilla montada baixo a placa metálica. Móvense os fíos por medio dunha roda radiada paralela e vertical ao brazo curto, cunha manivela xiratoria que remata nun mango con forma de pera de porcelana.
|