Historia del Objeto |
O Bazar Che, situado no centro de Ribadavia, foi unha das tendas tradicionais máis populares desta vila durante varias décadas do século pasado; este tipo de comercios eran en realidade pequenos mercados nos que se podía adquirir unha ampla variedade de produtos que cubrían as necesidades básicas dos cidadáns no referente a artigos de uso doméstico; este bazar estivo aberto ao público durante practicamente todo o século XX e pechou definitivamente as súas portas no ano 2012.
O conxunto de obxectos que conforman esta doazón é representativo dos artigos cos que comerciaban estes establecementos, e estes en concreto formaban parte do stock de mercadoría sen vender no momento do peche. Son obxectos de gran variedade pero neste amplo lote podemos destacar varios pequenos grupos: o relacionado co mundo do viño (billas para barrís, cuncas para o viño, etc.), os utensilios de enxoval doméstico (batedor, cullerón, vasos, copas, etc.), os obxectos decorativos (placas, figuras, cinceiros) ou os xoguetes (buxainas, kits) e os libros.
Este lote foi recollido in situ polo persoal técnico do museo e trasladado ata a sede do Etnolóxico.
|