| Museo |
Museo Etnológico de Ribadavia
|
| Inventario |
0582
|
| Clasificación Genérica |
02.Vinicultura; 02.MANUFACTURA
|
| Objeto/Documento |
moxega
|
| Materia/Soporte |
madeira
|
| Técnica |
produción artesanal
|
| Dimensiones |
Alto = 46 cm; Ancho = 46 cm; Profundidade = 100,50 cm
|
| Descripción |
Recipiente de madeira con forma de tronco de pirámide. Presenta dúas asas laterais de madeira para facilitar o seu transporte e elevación (dunha delas pendura un fragmento de cordel). A base amosa na cara exterior unha abertura cuadrangular, rematado por sendas pezas de madeira cóncavas. No interior da base, e adaptada á abertura da mesma, descansa unha táboa plana percorrida por múltiples furados que serve coma coador.
|
| Inscripciones/Leyendas |
Nunha das caras.
V.R.
|
| Datación |
1901=1950 (Primeira metade S.XX)
|
| Uso/función |
Emprégase no proceso do pisado das uvas.
A abertura cuadrangular encáixase na boca das cubas, adaptándose as pezas cóncavas que a flanquean ó perfil das mesmas. Acto seguido baléiranse sobre o recipiente as uvas, transportadas polos carrexóns nos culeiros. Unha persoa, xeralmente un rapaz (pisón), dispúñase no interior da moxega, comezando deste xeito o pisado.
No caso do viño tinto, o coador retírase de cando en vez, deixando que o bagaño pase á cuba, onde fermentará co mosto. Cando se elabora viño branco, o coador debe permanecer no interior da moxega ate o remate do pisado.
|
| Lugar de Procedencia |
Ribadavia (Ribeiro (O) (comarca))
|
| Clasificación Razonada |
Outros nomes empregados para referirse a esta peza son os de moega (posible castelanismo) e embude, optando por moxega ó consideralo máis xenérico.
A partires de 1930 a tipoloxía da moxega cambia, ó se lle asociar a estrulladora.
Esta peza corresponde á tipoloxía orixinal, xurdindo o problema da súa datación. Datala a finais do século XIX , ou primeiro terzo do século, XX sería bastante arriscado, xa que a irrupción da estrulladora non tivo porque supoñer a drástica desaparición das moxegas. Parece máis acertado circunscribir o obxecto a unha cronoloxía ampla, en concreto á primeira metade do século XX, deixando constancia das outras posibilidades.
|
| Bibliografía |
LORENZO, Xaquín. Etnografía. Cultura Material, en Historia de Galiza, vol. II, dirixida por Ramón Otero Pedrayo. Akal, 1979. 237.
SIERRA RODRÍGUEZ, Xosé Carlos. O Ribeiro. O viño da cultura, a cultura do viño. Pontevedra (comarca): Mirabel Editorial, S.L., 2001. 243; Esquerda:moxega.Centro:coador na apertura da moxega.Dereita:detalle do coador..
|
| Forma de Ingreso |
Doazón
|
| Fecha de Ingreso |
09/1986
|
