| Museo |
Museo de las Peregrinaciones y de Santiago
|
| Inventario |
D-1224
|
| Clasificación Genérica |
Obxectos devocionais; Obxectos rituais e cerimoniais comúns; Pintura
|
| Objeto/Documento |
Icona
|
| Tipología/Estado |
Doméstica
|
| Autor/a |
Monxes de Meteora
|
| Título |
Eloxio á Virxe María
|
| Conjunto |
Colección de iconas rusas
|
| Materia/Soporte |
Soporte: Madeira Marrón escuro
Tea
Preparación
Elementos sustentados: Ouro Dourado
Témpera [Cores: vermello, verde, azul, branco, marrón e negro]
|
| Técnica |
Dourado
Pintura a man alzada
Talla [Berce]
Pintura á témpera
|
| Dimensiones |
Icona: Profundidade = 2,70 cm; Altura = 30,90 cm; Anchura = 23,50 cm
|
| Descripción |
Icona rectangular con fondo dourado onde se representa á xenealoxía da Virxe. A peza leva un marco gravado na mesma madeira e coa mesma cor de fondo.
A Virxe María aparece no centro sentada nun trono que está encima dunha vide. Sostén ao Neno Xesús, que bendí coa man dereita, mentres que María sinálao coa mesma man. A Virxe leva un "maphorion" vermello con decoración dourada nos bordos. Pódeselle ver ademais na testa e nos ombreiros a tripla cruz en forma de estrela, antigo símbolo sirio da virxindade antes, durante e despois do parto. Debaixo do "maphorion" pode apreciarse unha túnica de cor verde. O Neno leva un "himation" dourado e por debaixo deste unha túnica branca. Ambos os dous, Nai e Fillo, levan nimbo. Sobre o de María pode lerse MP OV ("Nai de Deus") e no de Xesús, cunha cruz inscrita, O W N ("El que É").
Ao redor da Virxe, sobre as pólas da vide, hai doce profetas representados de medio corpo; todos eles portan filacterios. Os da esquerda comezando pola zona superior serían: Xacob, quen leva unha escaleira, Xeremías, Sofonías, ao lado dunha torre, Gedeón, que leva un cáliz ou unha pía, Daniel, cun menorá ou candelabro xudeu e David, con coroa. Os da dereita, tamén comezando pola zona superior, serían: Malaquías, Ezequiel, que sostén o que parece ser un hisopo ou unha póla, Moisés, Habacuc, Eliseo e Salomón, con coroa. Debaixo, ao pé da árbore e deitadas, hai dúas figuras moi semellantes que portan cadanseu filacterio e que miran para a dereita. O da esquerda é posiblemente Balaan, que sinala o nacemento de Cristo, e o da esquerda é Xesé, pai de David.
|
| Iconografia |
Icona: Eloxio á Virxe; Virxe co Neno; Árbore de Xesé; Xenealoxía da Virxe
|
| Inscripciones/Leyendas |
Cara anterior, zona superior, Pintado a man alzada
(1900[ca]-1999[ca])
[Cor vermella]
Cara anterior, preto dos personaxes, Pintado a man alzada
(1900[ca]-1999[ca])
[Cor vermella a carón dos personaxes e negra das filacterias]
|
| Firmas/Marcas/Etiquetas |
Zona posterior, Etiqueta pegada
Certificado en varios idiomas: inglés, francés, alemán e italiano [Por detrás leva pegado cun selo o certificado da súa realización]
|
| Datación |
1900-1999 (S. XX)
|
| Contexto Cultural/Estilo |
Idade Contemporánea
|
| Lugar de Producción/Ceca |
Kalambaka
|
| Uso/función |
Devocional
|
| Descriptores Geográficos |
Grecia Central
|
| Lugar de Procedencia |
Grecia
|
| Lugar Específico/Yacimiento |
Kalambaka
|
| Historia del Objeto |
<EXPOSICIÓNS>: A contemplación do invisible. Iconas rusas. Colección Santos - Illueca; programa de exposicións temporais sede Praterías, (do 13 xullo de 2016 ao 30 de decembro de 2016).
|
| Clasificación Razonada |
As iconas son obxectos de veneración, moitas delas contan cunha fama engadida porque se consideran milagreiras por se lles atribuír curacións e outras accións beneficiosas. Algunhas constitúen o obxecto principal de veneración de santuarios, meta de importantes peregrinacións. Determinadas características do territorio e circunstancias de tipo histórico marcarán as diferenzas da produción rusa respecto dos precedentes bizantinos e doutras rexións baixo a órbita ortodoxa.
Segundo as características que presenta, posiblemente poida formar parte da tipoloxía de iconas domésticas. Estas estaban destinadas ao lugar de oración familiar que todos os domicilios posuían e acostuman a ser de tamaño reducido (entre 20 x 15 e 40 x 35 cm.).
Este tipo de composición ten a súa orixe no tema bizantino da Árbore de Xesé. Nel amosábase unha imaxe metafórica da xenealoxía humana e divina de Cristo baseada en pasaxes de Isaías (11.1) e Mateo (1.1-17). Na arte rusa este tema pode ter variacións. Adoitan aparecer os profetas Habacuc, Gedeón, Zacarías, Moisés, Salomón, David, Elías, Daniel, Ezequiel, Isaías, Xesé ou Balaam, aínda que non sempre. Coa presenza dos reis de Israel destácanse dúas cousas: o carácter de "Pobo Elixido" transmitido pola unción destes reis, renovándose así a soberanía de Deus sobre a terra, e a verdadeira natureza humana de Cristo. Paralelamente, coa presenza dos precursores do Mesías, os profetas, e coas súas profecías, desenvólvese unha xenealoxía espiritual. Tamén hai casos nos que a Árbore de Xesé é substituída por unha mandorla e un medallón que conteñen as imaxes da Virxe e Cristo.
|
| Forma de Ingreso |
Depósito
|
| Fecha de Ingreso |
28/10/2013
|
| Catalogación |
Cobas Macías, Cristina; Kollmeier, Korbinian; Rodríguez Martínez, Xoel
|
